• +977 1 4410478

  • info@onlinesamaya.com

  • Uncategorized

    दलित समुदायको उच्चस्तरीय प्रतिनिधिमण्डल भारत प्रस्थान

     31 Views

    काठमाडौँ, २४ मंसिर, २०७६

    नेपाल र भारत दुवै देशका दलित समुदायको उत्थानमा सरकारी तथा गैरसरकारी तहबाट भएका कार्यक्रमको अध्ययन गर्ने उद्देश्यले दलित समुदायको उच्चस्तरीय प्रतिनिधिमण्डल आज भारततर्फ प्रस्थान गरेको छ ।

    नेपाल–भारत दलित मैत्री सङ्घका अध्यक्ष ओमप्रकाश विश्वकर्मा रामदामको संयोजकत्वमा नेपाल र भारत दुवै देशको साहित्य र संस्कृतिसम्बन्धी सम्मेलनमा भाग लिनका लागि दलित समुदाय सांसद अधिकारकर्मीहरुको टोली भारत प्रस्थान गरेको हो । भ्रमण टोलीले मित्रराष्ट्र भारतको राजधानी दिल्लीमा यही १० डिसेम्बर २०१९ (२४ मङ्सिर २०७६) मा बाबु जगजीवनराम कलासंस्कृति तथा साहित्य प्रतिष्ठानद्वारा आयोजित ‘अन्तर्राष्ट्रिय दलित सम्मेलन’मा नेपालका तर्फबाट भाग लिने सङ्घका अध्यक्ष रामदामले जानकारी दिए ।

    सो टोलीमा अध्यक्ष ओमप्रकाश विश्वकर्मा रामदाम, सांसदहरु सुजता परियार, रामलखन हरिजन र रामप्रीत पासवान, संविधानसभाका सदस्य डिवी नेपाली, संविधानसभाका सदस्य तथा राष्ट्रिय दलित पत्रकार सङ्घ, नेपालका अध्यक्ष विनोद पहाडी, सङ्घका महासचिव चन्द्रकुुमार गदाल, कोषाध्यक्ष रामसुभग हरिजन, सङ्घका केन्द्रीय सदस्यहरु कैलाशमान विश्वकर्मा, गोमा सुनार र टककुमारी विश्वकर्मा, अधिकारकर्मीहरु ईश्वरी विक, सुनिता मरिक, जोगेन्द्र विक र राष्ट्रिय दलित पत्रकार सङ्घ, नेपालका केन्द्रीय सदस्य बुद्धिबहादुर विश्वकर्मा सहभागी छन । भ्रमण टोलीले भारतीय लोकसभाका सदस्यहरु, दलित आन्दोलनका अगुवाहरु र अनुसूचित जनजाति आयोग भारतका पदाधिकारीहरुसँग भेटघाट गरी नेपाल र भारतका दलित समुदायका समस्याका बारेमा छलफल गर्नाका साथै अनुभव आदान प्रदानसमेत गर्नेछ । रासस

    यसमा तपाइको मत

    Facebook Comment