बझाङको मत गणना अन्तिम चरणमा, एमालेका उम्मेदवार भण्डारीलाई ३४२ मतले अग्रता
अनलाइनसमय |
कठमाडौं, १७ वैशाख । बझाङ प्रदेश सभा १ ‘क’ मा भएको उपनिर्वाचनको मतगणना अन्तिम चरणमा पुगेको छ । निर्वाचन आयोगका अनुसार अब साइपाल गाउँपालिकाको १११४ मत गणना गर्न बाँकी छ ।
गणना अन्तिम चरणमा पुग्दा नेकपा एमालेका उम्मेदवार दमनबहादुर भण्डारीले अग्रतालाई फराकिलो बनाउँदै लगेका छन् । उनी ३४२ मतले अग्रता लिइरहेका छन् ।
आयोगका अनुसार भण्डारीले ११,१०३ मतसहित अग्रता लिइरहँदा उनका निकटतम् प्रतिद्वन्द्वी नेपाली कांग्रेसका अभिषेकबहादुर सिंहले १०,७६१ मतसहित पछ्याइरहेका छन् ।
यस्तै तेस्रो स्थानमा रहेका माओवादी केन्द्रका जनकबहादुर बुढाले ३७९७ मत पाएका छन् । एकीकृत समाजवादीका उम्मेदवार दिलबहादुर सिंहले २५१० मत प्राप्त गरेका छन् ।
ताजा समाचार
