ग्लोबल आइएमई बैंकको लाभांश घोषणा, बोनस शेयर कति ?
अनलाइनसमय |
काठमाडौं, २२ असोज । ग्लोबल आइएमई बैंकले लाभांश घोषणा गरेको छ । बैंकको असोज २१ गते बसेको ४४६औ संचालक समितिको बैठकले साढे ५ प्रतिशत बोनस शेयर दिने प्रस्ताव गरेको हो ।
उक्त प्रस्तावित लाभांश नेपाल राष्ट्र बैंक र बैंकको आगामी १८औं बार्षिक साधारणसभाले स्वीकृत गरेपछि मात्रै शेयरधनीले पाउनेछन् ।
बैंकले साधारणसभा प्रयोजनका लागि पछि बुक क्लोजका लागि अलग्गै नोटिस जारि गर्नेछ ।
यसअवधिमा बैकको चुक्तापुंजी ३६ अर्ब १२ करोड रहेको छ भने पछिल्लो समय शेयरको दोस्रो बजारमा ग्लोबल आइएमई बैंकको शेयर प्रति कित्ता २५३ रुपैयाँमा कारोबार भएको थियो ।
ताजा समाचार
