सुनको मूल्य स्थिर हुँदा चाँदीको बढ्यो, कतिमा हुँदैछ कारोबार ?
अनलाइनसमय |
काठमाडौं, १९ वैशाख । नेपाली बजारमा आज सुनको मूल्य स्थिर रहेको छ । आज सुन प्रतितोला एक लाख ८३ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । हिजो (बिहीबार) पनि सोही मूल्यमा कारोबार भएको थियो ।
बुधबारको तुलनामा बिहीबार सुन तोलामा ४ हजार ६०० रुपैयाँले घटेको थियो ।
यस्तै आज चाँदीको मूल्य बढेको छ । बिहीबार प्रतितोला एक हजार ९१५ रुपैयाँमा कारोबार भएको चाँदी प्रतितोला १५ रुपैयाँले बढेर एक हजार ९३० रुपैयाँमा कारोबार भइरहेको महासंघले जनाएको छ ।
ताजा समाचार
