काठमाडौं, २६ वैशाख । हाल देशमा पश्चिमी वायु तथा स्थानीय वायुको प्रभाव छ । यसका साथै बंगालको खाडी र अरब सागरबाट भित्रिरहेको जलवाष्पयुक्त हावको समेत प्रभाव रहेको जल तथा मौसम पूर्वानुमान महाशाखाले जनाएको छ ।

महाशाखाका अनुसार अहिले देशका पहाडी भू–भागमा आंशिकदेखि साधारणतया बदली रहनेछ भने बाँकी भू–भागमा मौसम मूख्यतया सफादेखि आंशिक बदली रही बाँकी भू–भागमा मौसम मुख्यतया सफादेखि आंशिक बदली रहेको छ ।

महाशाखाका अनुसार आगामी २४ घण्टामा कोशी र सुदूरपश्चिमलगायत देशका पहाडी भू–भागका थोरै स्थानमा तथा बाँकी भू–भागका ‍एक–दुई स्थानमा हल्कादेखि मध्यम वर्षाको सम्भावना छ ।