काठमाडौं, ५ जेठ । कोशी प्रदेशका चार जना सांसद चढेको गाडी मोरङको कानेपोखरीमा दुर्घटना भएको छ ।

झापाबाट प्रदेश सभा बैठकमा सहभागी हुन जाँदै गरेका सांसदहरू सवार बिएई १४०६ नम्बरको कारलाई बा. ५ प. ३५२० नम्बरको कारले ठक्कर दिँदा दुर्घटना भएको हो ।

गाडीमा प्रदेशसभा सदस्यहरू नम्बरलाल धिमाल, राधाकृष्ण खनाल, मैयाँ श्रेष्ठ र विद्या चाम्लिङ्ग सवार थिए ।

सांसद सवार गाडीलाई जिल्ला प्रहरी कार्यालय झापामा कार्यरत प्रहरी नायब उपरीक्षक खगेन्द्र खड्काले चलाइरहेको गाडीले ठक्कर दिएको हो ।

दुईवटै गाडीमा सवारको अवस्था सामान्य रहेको मोरङ प्रहरी प्रवक्ता प्रहरी नायव उपरीक्षक वेदप्रकाश जोशीले जानकारी दिए ।