साइबर क्राइम मुद्दामा शुद्धोदन गाउँपालिका अध्यक्ष पक्राउ
अनलाइनसमय |
काठमाडौं, ६ जेठ । कपिलवस्तुको शुद्धोदन गाउँपालिका अध्यक्ष कमलेशशरण चौधरी पक्राउ परेका छन् । उनी विद्युतीय अपराध (साइबर क्राइम)सम्बन्धी मुद्दामा पक्राउ परेका हुन् ।
जिल्ला प्रहरी कार्यालय रूपन्देहीका सूचना अधिकारी सुरज कार्कीका अनुसार चौधरीलाई बुटवलबाट पक्राउ गरिएको हो ।
उनीमाथि एक बलात्कृत युवती र उनका परिवारको गोपनीयता सार्वजनिक गरेको अभियोगमा रुपन्देही जिल्ला अदालतले जेठ १ गते उनीविरुद्ध पक्राउ पुर्जी जारी गरेको थियो । पक्राउ पुर्जी जारी भएलगत्तै उनी फरार थिए ।
चौधरी लोसपाबाट गाउँपालिकाअध्यक्षमा निर्वाचित भएका थिए ।
ताजा समाचार
