आज सामान्य घट्यो सुनको मुल्य, कतिमा हुँदैछ कारोबार ?
अनलाइनसमय |
काठमाडौं, १३ जेठ । मंगलबार नेपाली बजारमा सुनको मूल्य घटेको छ । अघिल्लो कारोेबार दिनको तुलनामा आज सुन तोलामा २ सय रुपैयाँले घटेको हो ।
नेपाल सुनचाँदी व्यवसायी महासङ्घका अनुसार मंगलबार छापावाल सुनको मूल्य प्रतितोला १ लाख ९० हजार ९ सय रुपैयाँमा कारोबार भइरहेको छ । सोमबार सुनको मूल्य तोलमा ७ सय रुपैयाँले घटेर १ लाख ९१ हजार १ सय रुपैयाँमा कारोबार भएको थियो ।
यस्तै, आज चाँदीको मूल्य पनि घटेको छ । सोमबार प्रतितोला २ हजार ५ रुपैयाँमा कारोबार भएको चाादी आज १ हजार ९सय ९५ रुपैयाँमा कारोबार भइरहेको महासंघले जनाएको छ ।
