चिकित्सक लाइसेन्स परीक्षामा ७८ प्रतिशत उत्तीर्ण
अनलाइनसमय |
काठमाडौं, १६ जेठ । नेपाल मेडिकल काउन्सिल (एनएमसी) लिएको ७२औं स्नातक तह (युजी) लाइसेन्स परीक्षामा कुल ७७ दशमलव ९९ प्रतिशत परीक्षार्थी उत्तीर्ण भएका छन् ।
जेठ १२ देखि १५ गतेसम्म सम्पन्न परीक्षामा २ हजार ९० जना परीक्षार्थी दर्ता भएकामध्ये २ हजार ७७ जना सहभागी भएका थिए । परिक्षामा १३ जना १३ अनुपस्थित रहेको एनएमसी जनाएको छ ।
एनएमसीका अनुसार मेडिकल र डेन्टल दुवै कार्यक्रम समावेश गरिएको परीक्षामा मेडिकलतर्फ १ हजार ६११ मध्ये १ हजार ६०० जनाले परीक्षा दिएका थिए । जसमा १ हजार २२६ जना अर्थात ७६.६२ प्रतिशत उत्तीर्ण भएका छन् ।
त्यस्तै डेन्टलतर्फ ४७९ परीक्षार्थीमध्ये ४७७ जनाले परीक्षा दिएका थिए । तीमध्ये ३९४ जना (८२.६०प्रतिशत) पास भएका छन् ।
ताजा समाचार
