काठमाडौं, १७ जेठ । मुलुकको बैंक तथा वित्तीय क्षेत्रको नियामक निकाय नेपाल राष्ट्र बैंकले ४४ दिनको रिक्ततापछि नयाँ गभर्नर पाएको छ । अर्थतन्त्र असहज र शिथिल अवस्थामा रहेका बेला गभर्नर नियुक्त भएका डा. विश्वनाथ पौडेलसामु अनेकौं चुनौती छन् । अहिले मुलुकको बाह्य क्षेत्र सहज अवस्थामा भए पनि आन्तरिकतर्फ त्यसको प्रभाव देखिन सकेको छैन । बैंकहरूमा पर्याप्त तरलता थुप्रिरहेको छ । तर निजीक्षेत्रमा कर्जा जान सकेको छैन । गएका कर्जा पनि असुली नहुँदा खराब कर्जाको अनुपात बढ्दै गएको छ । यता, पछिल्लो समय मौद्रिक नीतिप्रति सरकारको वित्त नीतिमा भन्दा धेरै जनअपेक्षा बढेको छ । त्यो अपेक्षालाई सन्तुलित रूपमा सम्बोधन गर्नुपर्नेछ । यस्तै देशमा वित्तीय पहुँच पुगे पनि वित्तीय साक्षरता र वित्तीय सेवाको उपयोग बढाउनुपर्ने आवश्यकता छ । यस्तै सहकारी क्षेत्रको नियमन गर्नेदेखि सम्पत्ति शुद्धीकरणको ग्रे लिस्टबाट समयमै बाहिरिनुपर्ने दबाब छ । समग्रमा सरकारको बजेटले लिएका लक्ष्यलाई सघाउने र निजीक्षेत्रको मनोबल समेत उकास्ने खालको मौद्रिक नीति ल्याउनुपर्ने दबाब गभर्नर सामु छ । नयाँ गभर्नरसामु अन्य चुनौती के के छन् ? कामका प्राथमिकता के के हुनुपर्छ त ?

यस विषयमा हिमालय टेलिभिजनमा गत बिहीबार प्रशारण भएको कार्यक्रम वित्तीय शिक्षामा नेपाल राष्ट्र बैंकका पूर्व कार्यकारी निर्देशक डा. गोपालप्रसाद भट्टसँग गरिएको कुराकानी :