काठमाडौं, १६ असार । सोमबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक ९ दशमलव १९ अङ्कले बढेर दुई हजार ६३१ दशमलव ४८ बिन्दुमा कायम भएको हो ।

आज १ करोड ४१ लाख ७२ हजार ५३५ कित्ता शेयर किनबेच हुँदा ६ अर्ब ३८ करोड ७२ लाख रुपैयाँको कारोबार भएको छ । अघिल्लो कारोबार दिन आइतबार ७ अर्ब १२ करोड १७ लाख रुपैयाँ बराबरको कारोबार भएको थियो ।

आज १४५ धितोपत्रको शेयर मूल्य बढ्दा १०३ को घटेको छ । यसदिन कुल ३१८ धितोपत्र कारोबारमा आएका छन् ।

सोमबार १३ समूहको उपसूचकमध्ये ९१ को उपसूचक बढेको छ भने ४ समूहको उपसूचक घटेको छ । यसदिन उत्पादन तथा प्रशोधन सर्वाधिक १ दशमलव ६१ प्रतिशतले बढेको छ । यस्तै माइक्रोफाइनान्स शून्य दशमलव ९२, जीवन बीमा शून्य दशमलव ८२, विकास बैंक शून्य दशमलव ७२, व्यापार शून्य दशमलव ७२, निर्जीवन बीमा शून्य दशमलव ६१, बैंकिङ शून्य दशमलव ३८, म्युचुअल फण्ड शून्य दशमलव ३६ र लगानी समूहको उपसूचक शून्य दशमलव २ प्रतिशतले बढेको छ ।

आज अन्य शून्य दशमलव ३६ र हाइड्रोपावर शून्य दशमलव २८, फाइनान्स शून्य दशमलव ०६ र होटेल तथा पर्यटन समूहको उपसूचक शून्य दशमलव ०३ प्रतिशतले घटेको छ ।

आज राप्ति हाइड्रो एण्ड जनरल कन्स्ट्रक्सन ९ दशमलव ९७, धौलागिरी लघुवित्त ९ दशमलव ८, विन नेपाल लघुवित्त९ दशमलव १६, सिन्धु विकास बैंक ७ दशमलव ८१ सप्तकोशी डेभलपमेन्ट बैंकको शेयर मूल्य ७ दशमलव २१ प्रतिशतले बढेको छ ।

आज पञ्चकन्या माइ हाइड्रोपावर ४ दशमलव ३३, पाँचथर पावर ३ दशमलव ९५, बिन्ध्याबासीनी हाइड्रोपवार डेभलपमेण्ट ३ दशमलव ४४, नेपाल इन्भेष्टमेन्ट मेगा बैंक ३ दशमलव २९ र सुपर मादी हाइड्रोपावरको शेयर मूल्य ३ दशमलव २२ प्रतिशतले ह्रास आएको छ ।