अजरबैजानबाट काठमाडौं आएका भारतीय नागरिक ३ किलो कोकिनसहित पक्राउ
अनलाइनसमय |
काठमाडौं, २७ असार । प्रहरीको लागुऔषध नियन्त्रण ब्युरो (एनसीबी)ले ३ किलो ४०० ग्राम लागुऔषध कोकिनसहित एकजनालाई पक्राउ गरेको छ ।
पक्राउ पर्नेमा भारतीय नागरिक मुम्बई महाराष्ट्र घर भएका ४९ वर्षीअब्दुस समद जमल मन्सुरी रहेका छन् ।
लागूऔषध नियन्त्रण ब्यूरो शाखा कार्यालय त्रिभुवन अन्तर्राष्ट्रिय विमानस्थल गौचरणबाट खटिएको प्रहरीले कतार एयरवेजको उडानद्वारा अजरबैजानबाट काठमाडौं आएका उनलाई जाँच गर्ने क्रममा उनको झोलाबाट उक्त लागूऔषध फेला पारी पक्राउ गरेको हो ।
यस सम्बन्धमा आवश्यक अनुसन्धान गरिरहेको प्रहरीले जनाएको छ ।
ताजा समाचार
