काठमाडौं, १ साउन । आईसीसी टी–२० विश्वकपको एसिया र पूर्वी एसिया प्यासिफिक छनोटका लागि नेपाली टोलीको क्लोज क्याम्प सुरु भएको छ ।

बिहीवारबाट सुरु भएको क्लोज क्याम्पमा ३२ खेलाडी सहभागी छन् । क्याम्पमा करिब ३ वर्षपछि अलराउन्डर मोहम्मद आदिल आलमले कमब्याक गरेका छन् । त्यस्तै, यु १९ का स्टार युवराज खत्रीले राष्ट्रिय टोलीको प्रारम्भिक टोलीको सुचीमा परेका छन् । पछिल्लो समय राष्ट्रिय टिमबाट हटाइएका कुशल मल्ल र सन्दीप जोरालाई पनि क्लोज क्याम्पमा राखिएको छ ।

नेपालले आगामी अक्टोबरमा ओमानमा विश्वकपको एसिया तथा पूर्वी एसिया प्यासेफिक छनोट खेल्दैछ । उक्त प्रतियोगितामा समूह २ मा परेको नेपालले समूह चरणमा कुवेत र जापानसँग प्रतिस्पर्धा गर्नेछ ।

छनोटमा ९ राष्ट्रको सहभागीता रहने छ । सुपर सिक्सको अन्त्यमा शीर्ष ३ टोलीले भारत र श्रीलंकामा सन् २०२६ मा आयोजना हुने टी–२० विश्वकपमा स्थान बनाउनेछन् ।

प्रारम्भिक नेपाली टोली

रोहित पौडेल, कुशल भुर्तेल, अनिल शाह, आसिफ शेख, भीम शार्की, लोकेश बम, कुशल मल्ल, आरिफ शेख, सन्दीप जोरा, बिबेक यादव, गुलशन झा, सन्दीप लामिछाने, नन्दन यादव, करण केसी, सोमपाल कामी, रिजन ढकाल, प्रतिश जीसी, ललित नारायण राजवंशी, कमल सिंह ऐरी, शाहब आलम, सागर ढकाल, आकाश चन्द, दिपेन्द्र सिंह ऐरी, रुपेश सिंह, अर्जुन घर्ती, युवराज खत्री, किरण ठगुन्ना, आदिल आलम, पवन सर्राफ, शेर मल्ल, सुभ कंसाकर, अर्जुन घर्ती

तस्बिरहरू :

तस्बिरहरू : क्यान