काठमाडौं, ५ । साउन सप्तरीको राजगढ गाउँपालिकाबाट प्रहरीले ३८८ किलो गाँजासहित एक जनालाई पक्राउ गरेको छ ।

राजगढ गाउँपालिका–३ नर्घो बस्ने ४१ वर्षीया रेखा कुमारी मण्डलको घरबाट प्रहरीले अवैध लागूऔषध गाँजा जस्तो देखिने पदार्थ करिब ३ सय ८८ किलो ७ सय ३० ग्राम सहित आइतबार बिहान पक्राउ गरेको हो ।

इलाका प्रहरी कार्यालय कल्याणपुर समेतबाट खटिएको प्रहरीले उनको घर तलासी गर्ने क्रममा निर्माणाधीन शौचालय, गोठ र घर नजिकैको बाँसको झ्याङबाट गरी १२ वटा बोरामा रहेको उक्त परिमाणको पदार्थ फेला पारी पक्राउ गरेको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।