ठमेलबाट २ केजी सुनसहित चिनियाँ नागरिक पक्राउ
अनलाइनसमय |
काठमाडौं, ६ साउन । ठमेलबाट दुई केजी सुनसहित चिनियाँ नागरिकलाई प्रहरीले पक्राउ गरेको छ ।
पक्राउ पर्नेमा चीनको सियाचिन घर भएकी ३४ वर्षीया सुमेई चोउ र ४६ वर्षीय चुनलिन थान रहेका छन् ।
उनीहरूलाई सोमबार राति उपत्यका अपराध अनुसन्धान कार्यालयको टोलीले ज्याठास्थित चिनियाँ नामको होटलबाट पक्राउ गरेको हो ।
प्रहरीका अनुसार उनीहरुको साथबाट २४ लाख नगद समेत बरामद गरिएको छ । पक्राउ परेका उनीहरूमाथि थप अनुसन्धान भइरहेको भइरहेको छ ।
