आज दिउँसो बागमती र गण्डकीका केही स्थानमा धेरै पानी पर्ने
अनलाइनसमय |
काठमाडौं, ९ साउन । हाल देशभर मनसुनी वायुको प्रभाव कमजोर रहेको जल तथा मौसम विज्ञान विभागले जनाएको छ । सौ मनसुनको न्यून चापीय रेखा सरदर स्थानको आसपास अवस्थित छ ।
अहिले कोशी प्रदेशको तराईका एक–दुई स्थानमा मेघगर्जन र चट्याङ सहित हल्का वर्षा भईरहेको छ । कोशी, मधेश प्रदेश र बागमती प्रदेश लगातय देशका पहाडी भू–भागमा साधारणतया बदली रही बाँकी भू–भागका आंशिक बदली रहेको छ ।
आज दिउँसो देशभर साधारणतया बदली रहनेछ । बागमती, गण्डकी र लुम्बिनी प्रदेशलगायत बाँकी प्रदेशका पहाडी भू–भागका केही स्थानहरूमा तथा बाँकी भू–भागका थोरै स्थानहरूमा मेघगर्जन र चट्याङसहित हल्का देखि मध्यम वर्षाको सम्भावना रहेको विभागले जनाएको छ । बागमती र गण्डकी प्रदेशका पहाडी भु–भागका एक–दुई स्थानमा भारी वर्षाको पनि सम्भावना रहेको छ ।
त्यस्तै आज राती कोशी प्रदेशको केही तथा बाँकी प्रदेशका थोरै स्थानहरूमा मेघगर्जन र चट्याङसहित हल्का देखि मध्यम वर्षाको सम्भावना रहेको छ । साथै कोशीको तराई र मधेश प्रदेशका केही स्थानहरूमा हावाहुरी चल्ने सम्भावना रहेको विभागले जनाएको छ ।
यस्तो छ आज दिउँसो र रातीको मौसम :
