आज बढ्यो सुनचाँदीको मूल्य, कतिमा हुँदैछ कारोबार ?
अनलाइनसमय |
काठमाडौं, १४ साउन । नेपाली बजारमा आज सुनको मूल्य बढेको छ । मंगलबार तोलामा ६ सयले घटेको सुनको मूल्य आज १ हजार ४ सय रुपैयाँले बढेको हो ।
नेपाल सुनचाँदी व्यवसायी महासङ्घका अनुसार बुधबार छापावाल सुन प्रतितोला १ लाख ९४ हजार ४ सय रुपैयाँमा कारोबार भइरहेको छ । अघिल्लो कारोबार दिन मंगलबार सुन १ लाख ९३ हजार रुपौयाँमा कारोबार भएको थियो ।
यस्तै, आज चाँदीको मूल्य पनि बढेको छ । मंगलबार प्रतितोला २ हजार ३ सय रुपैयाँमा कारोबार भएको चाँदी आज २ हजार ३१० रुपैयाँमा कारोबार भइरहेको महासंघले जनाएको छ ।
