काठमाडौं, २५ साउन । आज सुन उच्च मूल्यबाट घटेको छ । अघिल्लो कारोबार दिन शुक्रबार हालसम्मकै उच्च मूल्यमा कारोबार भएको सुनको मूल्य आज तोलामा २ सयले घटेको हो ।

नेपाल सुनचाँदी व्यवसायी महासङ्घका अनुसार आइतबार छापावाल सुन प्रतितोला १ लाख ९९ हजार २ सय रुपैयाँमा कारोबार भइरहेको छ । अघिल्लो कारोबार दिन शुक्रबार सुन तोलामा १ हजारले बढेर १ लाख ९९ हजार ४ सय मा कारोबार हुँदै उच्च रेकर्ड बनाएको थियो ।

यस्तै, आज चाँदीको मूल्य पनि बढेको छ । शुक्रबार प्रतितोला २ हजार ३२५ रुपैयाँमा कारोबार भएको चाँदी आज २ हजार ३३० रुपैयाँमा कारोबार भइरहेको महासंघले जनाएको छ ।