सिक्लेस हाइड्रोपावरको लाभांश घोषणा, बोनसपछि हकप्रद निष्काशन गर्ने
अनलाइनसमय |
काठमाडौं, २६ साउन । सिक्लेस हाइड्रोपावरले अघिल्ला दुई आर्थिक वर्षको मुनाफाबाट आफ्ना शेयरधनीलाई वितरण गर्ने लाभांशघोषणा गरेको हो ।
कम्पनीको साउन २५ गते बसेको सञ्चालक समितिको बैंठकले चुक्ता पूँजीको १५ प्रतिशत बोनस शेयर तथा कर प्रयोजनको लागि ०.७८ प्रतिशत नगद लाभांश वितरण गर्ने निर्णय गरेको हो ।
उक्त प्रस्तावित लाभांश कम्पनीको आगामी आर्थिक वर्षको वार्षिक साधारण सभाले पारित गरेपछि शेयरधनीले प्राप्त गर्न सक्ने छन् ।
साथै उक्त बोनस शेयर पछि कायम हुने चुक्ता पूँजीको १ बराबर १ अनुपातमा हकप्रद शेयर निष्काशन गर्ने कम्पनीले जनाएको छ ।
