काठमाडौं, २६ साउन । युनिग्लोब कलेजको थिङ्क ट्याङ्क क्लब द्वारा आयोजना गरिएको ‘ट्रेड इट अप’ कार्यक्रम भव्य रूपमा सम्पन्न भएको छ ।
यो कार्यक्रम नेपालको प्लस टु तहमा पहिलो पटक आयोजना गरिएको व्यापारिक प्रतिस्पर्धा हो, जसले व्यवहारिक शिक्षा र उद्यमशील क्षमताको उन्नत नमूना प्रस्तुत गरेको थियो ।

कार्यक्रमको दर्ता फारम इन्स्टाग्राम स्टोरीमार्फत सार्वजनिक गरिएको थियो । चार मिनेटभित्रै सबै फारम सकिएका थिए, जसमा पाँच मिनेटभित्रै दर्ता बन्द गर्नुपरेको थियो । यस्तो तीव्र र उत्साहजनक प्रतिक्रिया नेपालका शैक्षिक कार्यक्रमहरूमा बिरलै देखिएको उदाहरण हो ।

प्रतियोगितामा २९ टिम थिए, जसमा प्रत्येक टिममा ३ जना सदस्य सहभागी थिए । हरेक टिमलाई सुरुवाती पूँजीको रूपमा एक सय रुपैयाँ प्रदान गरिएको थियो । जसलाई उनीहरूले व्यापार, सौदाबाजी र अदल–बदलको माध्यमबाट उच्च मूल्यमा रूपान्तरण गरेका थिए ।

कार्यक्रमको अन्त्यमा उत्कृष्ट कार्य सम्पादन गर्ने शीर्ष तीन टिमहरू घोषणा गरिएको थियो, जसमा सहभागीहरूले सीमित स्रोतको सिर्जनात्मक उपयोग गरी उल्लेखनीय परिणामहरू हासिल गरेका थिए ।

युनिग्लोबमा सम्पन्न वक्तृत्वकला प्रतियोगितामा उत्कृष्ट प्रदर्शन गर्दै टिम रमाइलो पहिलो स्थान हासिल गर्न सफल भएको छ । यो टोलीले पाँच हजार रुपैयाँ नगद, मेडल र प्रमाणपत्र प्राप्त गरेको छ, यो टिममा जैसा श्रेष्ठ, युनिक सुवेदी र निशवमान सिंह प्रधान सदस्य थिए ।

यस्तै, टिम संस्कृति समूहले प्रभावशाली प्रस्तुति दिँदै दोस्रो स्थान प्राप्त गरेको थियो, यो समूहले तीन हजार रुपैयाँ नगद, मेडल र प्रमाणपत्र जितेको छ । यस समूहमा एलिजा राउत, संस्कृति अधिकारी र सुनिस्का श्रेष्ठ रहेका थिए ।

तेस्रो स्थानमा रहेको ह्वाइट रक्स टोलीले दुई हजार रुपैयाँ नगद, मेडल र प्रमाणपत्र प्राप्त गरेको छ । यस टोलीमा सुधा तिमिल्सिना, आरुषि र संगम पौडेल सदस्य थिए ।

प्रतियोगिताले विद्यार्थीहरूमा आत्मविश्वास, भाषणकला र समूह समन्वयको विकासमा टेवा पु¥याएको छ । विजेता टिमहरूले प्रस्तुत गरेको रणनीति, सृजनात्मकता, र कार्यान्वयन शैलीले कार्यक्रमलाई अझ प्रेरणादायी बनाएको थियो । ‘ट्रेड आईटी अप’ ले विद्यार्थीहरूलाई सीमित स्रोतहरूबाट अधिकतम मूल्य सिर्जना गर्ने सीप, व्यवहारिक सोच, सहकार्य र प्रतिस्पर्धात्मक क्षमतामा अभिवृद्धि गर्न सघाएको छ ।

थिङ्क ट्याङ्क क्लबको यस्तो नवप्रवर्तनशील प्रयासले युनिक्लोब कलेजलाई व्यवहारिक शिक्षामा अग्रगामी बनाउँदै, भविष्यमा यस्ता थप कार्यक्रमहरूको मार्ग प्रशस्त गरेको छ ।