‘लङ फर्म अडिट रिपोर्ट’ सम्बन्धी निर्देशिका संशोधन
अनलाइनसमय |
काठमाडौं, ३ भदौ । नेपाल राष्ट्र बैंकले बैंकहरूको ‘लङ फर्म अडिट रिपोर्ट’ सम्बन्धी निर्देशिका संशोधन गरेको छ । बैंकहरूलाई जारी गरिएको नयाँ परिपत्रअनुसार अब बैंकहरूले लेखापरीक्षण प्रतिवेदनको ढाँचा परिमार्जन गर्नुपर्ने भएको हो ।
संशोधित निर्देशिकाले बैंकहरूले राष्ट्र बैंकको संशोधित ढाँचा अनुसार प्रतिवेदन तयार गर्नुपर्ने व्यवस्था गरेको छ । यसअघि बैंकहरूले प्रयोग गर्दै आएको ढाँचाबाट भिन्न प्रतिवेदन पेश गर्नुपर्नेछ ।
नयाँ निर्देशिकामा आईटी र साइबर सुरक्षा सम्बन्धी जोखिमबारे पनि लेखापरीक्षण प्रतिवेदनमा विचार व्यक्त गर्नुपर्ने प्रावधान राखिएको छ ।
