काठमाडौं, ४ भदौ । आगामी नोभेम्बर १५ देखि २२ सम्म काठमाडौंको टुँडिखेलमा आयोजना हुने काभा महिला नेसन्स लिग भलिबल प्रतियोगिताको प्रत्यक्ष प्रशारण हिमालय टिभीमार्फत हुने भएको छ । यस सम्बन्धमा नेपाल भलिबल संघ र हिमालय टिभीबीच आज सम्झौता सम्पन्न भएको हो । सम्झौतामा संघका अध्यक्ष जितेन्द्र चन्द र हिमालय टिभीका अध्यक्ष धर्मराज भुसालले हस्ताक्षर गरे ।

भलिबल संघका अध्यक्ष चन्दले भने प्रतियोगितालाई विश्व वरियताको प्रणालीमा समावेश गर्न अन्तर्राष्ट्रिय भलिबल महासंघलाई आग्रह गर्ने तयारी भएको जानकारी दिए ।

नेपाल भलिबल संघका अनुसार प्रतियोगिता टुँडिखेलमा हुनेछ । प्रतियोगितामा मध्य एशियाका ८ राष्ट्र सहभागी हुने छन् । दर्शकका लागि ८ हजार क्षमताको अस्थायी प्यारापिट निर्माण गरिने संघले बताएको छ ।