काठमाडौं, १३ भदौ । नेपाली बजारमा आज सुनको मूल्य प्रतितोला २ लाख नाघेको छ । अघिल्लो कारोबारको दिनको तुलनामा आज सुन तोलामा १२ सय रुपैयाँले बढेर नयाँ रेकर्ड बनाएको छ ।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ६०० रुपैयाँमा कारोबार भइरहेको छ, यो मूल्य हालसम्मकै उच्च हो ।

यसअघि साउन २३ गते १ लाख ९९ हजार ४ सय रुपैयाँको रेकर्ड बनेको थियो । हिजो (बिहीबार) पनि सुन सोही मूल्यमा कारोबार भएको थियो ।

त्यस्तै, आज चाँदी प्रतितोला ५ रुपैयाँ बढेको छ । अघिल्लो दिन बिहीबार २ हजार ३५५ रुपैयाँमा कारोबार भएको चाँदी आज २ हजार ३६० रुपैयाँमा कारोबार भएको महासंघले जनाएको छ ।