काठमाडौं, १३ भदौ । नेपाल बैंक लिमिटेड र नुवाकोटस्थित कोटबारी होटेल प्रा.लि.बीच छुट सुविधा सम्बन्धी सम्झौता भएको छ ।

सम्झौताअनुसार नेपाल बैंकमा कार्यरत कर्मचारी, कर्मचारीका परिवारका सदस्य र बैंकमा खाता रहेका ग्राहकले कोटबारी होटेलले प्रदान गर्ने सेवामा लाग्ने शुल्कमा विशेष छुट पाउनेछन् ।

जसअन्तर्गत रिसोर्टका विविध सेवाहरुमा लाग्ने शुल्कहरूमा बिल रकमको १० प्रतिशत देखि १५ प्रतिशतसम्म छुट हुने व्यवस्था गरिएको छ ।

सम्झौता पत्रमा भदौ ११ गते नेपाल बैकको तर्फबाट सहायक प्रमुख कार्यकारी अधिकृत श्री प्रकाश कुमार अधिकारी र कोटबारी होटेल प्रा.लि. को तर्फबाट महाप्रबन्धक श्री आनन्द सिंह ठकुरीले हस्ताक्षर गरेका थिए ।