काठमाडौं, १५ भदौ । कारोबारको पहिलो दिन आइतबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक ३१ दशमलव १७ अङ्कले घटेर दुई हजार ७४९ दशमलव ८३ बिन्दुमा कायम भएको हो ।

आज १ करोड ४८ लाख ५ हजार ५६९ कित्ता शेयर किनबेच हुँदा ६ अर्ब ०६ करोड १८ लाख रुपैयाँको कारोबार भएको छ । अघिल्लो कारोबार दिन बिहीबार हुँदा ८ अर्ब ९ करोड ५६ लाख रुपैयाँको कारोबार भएको थियो ।

आज २१ धितोपत्रको शेयर मूल्य बढ्दा २२८ को घटेको छ । यस्तै १ धितोपत्रको भने स्थिर रहेको छ । यसदिन कुल ३२३ धितोपत्र कारोबारमा आएका छन् ।

आइतबार सबै समूहको उपसूचक घटेको छ । यसदिन विकास बैंक सर्वाधिक १ दशमलव ५९ प्रतिशतले घटेको छ ।

यस्तै हाइड्रोपावर १ दशमलव ४७, माइक्रोफाइनान्स १ दशमलव ३८, अन्य १ दशमलव २४, निर्जीवन बीमा १ दशमलव १३, होटेल तथा पर्यटन १ दशमलव ०७, लगानी १ दशमलव ०४, फाइनान्स १ दशमलव ३, उत्पादन तथा प्रशोधन १ दशमलव १, जीवन बीमा १, बैंकिङ शून्य दशमलव ८८, व्यापार शून्य दशमलव ३८ र म्युचुअल फण्ड समूहको उपसूचक शून्य दशमलव ३५ प्रतिशतले घटेको छ ।

आज उन्नती सहकार्य लघुवित्त ६ दशमलव ७७, आशा लघुवित्त ४ दशमलव १६ र नबिल ब्यालेन्स फण्डको शेयर मूल्य ३ दशमलव ३६ प्रतिशतले बढेको छ ।

यसदिन ग्लोबल आईएमी सम्मुनत योजनाको शेयर मूल्यमा नकारात्मक सर्किट लागेको छ । यसैगरी प्रभु स्मार्ट फण्ड ७ दशमलव ८८, सिटिजन्स म्युचुअल फण्ड ७ दशमलव ६९, नेपाल रिपब्लिक मिडिया ७ दशमलव ४५ र छ्याङ्दी हाइड्रोपावरको शेयर मूल्य ७ दशमलव ०७ प्रतिशतले ह्रास आएको छ ।