काठमाडौं, १५ भदौ । प्रधानमन्त्री केपी शर्मा ओली र समाजवादी गणतन्त्र भियतनामका प्रधानमन्त्री फाम मिन चिङबीच भेटवार्ता भएको छ । उनीहरूबीच सोमबार चीनको थियानजिनमा दुई पक्षीय भेटवार्ता भएको प्रधानमन्त्रीको सचिवालयले जनाएको छ ।

भेटकामा दुई देशबीचको सांस्कृतिक, कूटनीतिक तथा आर्थिक सम्बन्ध र सहकार्यका विविध पक्षमा छलफल भएको बताइएको छ । प्रधानमन्त्री चिङले ओलीलाई भियतनाम भ्रमणका निम्ति आमन्त्रण गरेका छन् भने प्रधानमन्त्री ओलीले पनि समकक्षी चिङलाई नेपाल भ्रमणको निमन्त्रणा गरेको प्रधानमन्त्रीको सचिवालयले जनाएको छ ।

साथै प्रधानमन्त्री ओलीले नेपाल आगामी वर्ष विकासशील मुलुकमा स्तरोन्तति हुने अवगत गराउँदै पर्याप्त प्रतिफल प्राप्त हुने ऊर्जा क्षेत्रमा लगानी गर्न आह्वान गरेका छन् ।