काठमाडौं, १७ भदौ । नेपाली बजारमा सुनको मूल्यले निरन्तर नयाँ रेकर्ड बनाउँदै गएको छ । शुक्रबारदेखि सुनको मूल्यले रेकर्ड तोड्दै आएको छ । आज आज अघिल्लो कारोबार दिनको तुलनामा सुन तोलामा ६ सय रुपैयाँले बढेर नयाँ रेकर्ड कायम गरेको छ ।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ५ हजार ९ सय रुपैयाँमा कारोबार भइरहेको छ, यो मूल्य हालसम्मकै उच्च हो । यसअघि शुक्रबार २ लाख ६ सय रुपैयाँ पुगेको सुन आइतबार ३ हजार बढेर २ लाख ३ हजार ६ सय पुगेको थियो । सोमबार सुन प्रतितोला २ लाख ५ हजार ३ सय रुपैयाँमा कारोबार भएको थियो । यो रेकर्ड पनि आजै तोडिएको हो ।

यस्तै, आज चाँदीको मूल्य पनि तोलामा १५ रुपैयाँले बढेको छ । सोमबार प्रतितोला २ हजार ४७० रुपैयाँमा कारोबार भएर नयाँ रकेर्ड बनाएको चाँदीले आज यो रकर्ड तोडेर २ हजार ४८५ रुपैयाँमा कारोबार भइरहेको महासंघले जनाएको छ ।