काठमाडौं, २६ भदाै । देशका विभिन्न जेलबाट १४ हजार ३०७ कैदीबन्दी भागेका छन् । नेपाल प्रहरीका केन्द्रीय प्रवक्ता डीआईजी विनोद घिमिरेका अनुसार भागेका १४ हजार ३०७ मध्ये १ हजार ४५५ लाई पुन: पक्राउ गरी फर्काइएको छ । अझै १२ हजार ८५२ जना कैदीबन्दी फरार छन् ।

मंगलबार भएकाे जेन्जी प्रदर्शनमा पहरी कार्यालयमा तोडफोड, आगजनी र हतियार खोस्न थालेपछि प्रहरी ज्यान जोगाउन युनिट छाडेर हिँडेका थिए । पूर्व गृहमन्त्रीसमेत रहेका रास्वपा सभापति रवि लामिछाने रिहा भएपछि कारागारमा कैदीबन्दीहरू भाग्ने क्रम बढेको थियो ।

मंगलबार रातिदेखि नै देशभरका विभिन्न कारागारबाट कैदीबन्दी भागगेका थिए । हिजाे दिनभर डिल्लीबजारस्थित कारागारमा कैदीबन्दी भाग्न खाेजेपछि स्थिति तनावग्रस्त भयो ।