काठमाडौं, ३१ भदौ । मकवानपुरको भीमफेदी गाउँपालिका–२ भैसेबाट अवैध लागूऔषध गाँजा करिब १ सय ५० किलोग्रामसहित ट्रक चालक पक्राउ परेका छन् ।

पक्राउ पर्नेमा सिन्धुपाल्चोक बाह्रविसे नगरपालिका–८ बस्ने ४१ वर्षीय बिर बहादुर तामाङ रहेका छन् । उनलाईलाई मंगलबार बिहान प्रहरीले पक्राउ गरेको हो ।

प्रहरी चौकी भैसेबाट खटिएको प्रहरीले पालुङबाट हेटौंडातर्फ आउँदै गरेको बा.२ ख ३२१९ नम्बरको ट्रकलाई जाँच गर्ने क्रममा १२ वटा पोकामा रहेको उक्त परिमाणको गाँजा फेला पारी चालक बिर बहादुरलाई पक्राउ गरेको हो ।

यस सम्बन्धमा आवश्यक अनुसन्धान गरिरहेको प्रहरीले जनाएको छ ।