काठमाडौं, २४ असोज । नेपाल राष्ट्र बैंकले राजस्व संकलनलाई सहज बनाउन आगामी शनिबार पनि आरटीजीएस (रियल टाइम ग्रस सेटलमेन्ट) प्रणाली सञ्चालनमा रहने जनाएको छ । बैंकको शुक्रबार जारी सूचनामा असोज २५ गते शनिबारका दिन यो प्रणाली बिहान ८ बजेदेखि साँझ ८ बजेसम्म निरन्तर १२ घण्टा सञ्चालनमा रहने जनाइएको हो ।

केन्द्रीय बैंकका अनुसार राजस्व संकलनमा कुनै बाधा नआओस् भन्ने उद्देश्यले शनिबारको बिदामा पनि यो सेवा खुला राख्ने निर्णय गरिएको हो ।

आरटीजीएस प्रणालीमार्फत ठूलो रकमको भुक्तानी र अन्तरबैंक कारोबार तुरुन्त सम्पन्न हुने भएकाले राजस्व रकम राज्यको खातामा छिटो जम्मा हुने सुविधा मिल्नेछ ।