काठमाडौं, ३० असोज । चालू अर्थिक वर्ष (आव)को भदौमा डिजिटल माध्यममार्फत साढे ९९ खर्ब भुक्तानी भएको छ ।

नेपाल राष्ट्र बैंकको तथ्यांक अनुसार गत भदौमा ९९ खर्ब ५७ अर्ब ५९ करोड रुपैयाँ डिजिटल भुक्तानी भएको छ, जुन अघिल्लो आवको यसै अवधिको तुलनामा २६ दशमलव ७० प्रतिशत बढि हो । सो आवको भदौमा ७९ खर्ब ८४ अर्ब ७५ करोड रुपैयाँ यस्तो भुक्तानी भएको थियो ।

गत भदौमा सबैभन्दा धेरै भुक्तानी रियल टायम ग्रास सेटलमेन्ट (आरटिजीएस)मार्फत भएको छ । यो प्रणालीबाट ८१ खर्ब ८७ अर्ब २५ करोड रुपैयाँ कारोबार भएको छ । यसपछि मोबाइल बैंकिङबाट ४ खर्ब ६८ अर्ब १५ करोड, इलेक्ट्रोनिक चेक क्लियरिङ (इसिसि)बाट ४ खर्ब ६४ अर्ब ८० करोड र फास्टर पेमेन्ट सिस्टमबाट ४ खर्ब ४३ अर्ब ६८ करोड रुपैयाँ भुक्तानी भएको छ ।

कुन प्रणालीबाट कति भुक्तानी ? (रू. १० करोड)मा

स्रोत : नेपाल राष्ट्र बैंक
गत आवको असोजदेखि क्रस बोर्डर क्यूआरको पनि शूरूआत भएको छ । यद्यपि शूरूदेखि ११ महिना (भदौसम्म)मा २ अर्ब २१ करोड ९८ लाखको भुक्तानी भएको तथ्यांक छ । यस प्रणालीबाट असोजमा १३ करोड ९० लाख, कात्तिकमा १५ करोड ६० लाख, मंसिरमा १९ करोड ३० लाख, पुसमा ३१ करोड ४० लाख, माघमा २६ करोड, फागुनमा २० करोड ५० लाख, चैतमा २५ करोड २० लाख रुपैयाँ भुक्तानी भएको थियो भने वैशाखमा २९ करोड ७० लाख, जेठमा ४० करोड ३० लाख र असारमा ४७ करोड रुपैयाँको भएको छ । यसैगरी गत साउनमा ३७ करोड ३० लाख र भदौमा ३७ करोड ६० लाख रुपैयाँ भुक्तानी भएको देखिन्छ ।