काठमाडौं, १२ मंसिर । नेपाली पुँजी बजारमा विभिन्न ८१ ओटा कम्पनीका प्रारम्भिक सार्वजनिक निष्काशन (आईपीओ) अनुमतिको पर्खाइमा छन् ।

नेपाल धितोपत्र बोर्ड (सेबोन)का अनुसार हाल ५४ अर्ब ४२ करोड ७२ लाख रुपैयाँ बराबरको ३७ करोड ७२ लाख ६० हजार ९५५ कित्ता निष्काशनको प्रक्रियामा छन् । यी कम्पनीहरूमध्ये सबै भन्दा धेरै हाइड्रोपावरको छ ।

तथ्यांक अनुसार हाल सेबोनको पाइपलाइनमा रहेका कुल कम्पनीको ४८ प्रतिशत अर्थात ३९ ओटा हाइड्रोपावर रहेका छन् । यी हाइड्रोपावरको १७ अर्ब ४५ करोड ६५ लाख रुपैयाँ बराबरको १७ करोड ४ लाख ९३ हजार २५४ कित्ता शेयर आईपीओ पाइपलाइनमा छ ।

पाइपलाइनमा भएका हाइड्रोपावरमध्ये सबैभन्दा धेरै आइपिओ निष्काशनको प्रक्रियामा सिउरी न्यादी पावर लिमिटेडको रहेको छ । यस हाइड्रोपावरले ३ करोड ३ लाख ६० हजार ७८४ कित्ता शेयर निष्काशन बोर्डको प्रक्रियामा छ । यो ३ अर्ब ३ करोड ६० लाख रुपैयाँ बराबरको हुन आउँछ । यस हाइड्रोपावरको आईपीओ निष्काशन तथा बिक्रि प्रवन्धक एनएमबि क्यापिटल लिमिटेड रहेको छ ।

यस्तै दोस्रो धेरै आइपिओ निष्काशनको पाइपलाइनमा यूनिटेड मेवा खोला हाइड्रोपावर रहेको छ । हाइड्रोपावरको १ अर्ब २३ करोड मूल्य बराबरको १ करोड २३ लाख कित्ता शेयर निष्काशनको प्रक्रियामा छ ।
यस्तै मेवा डेभोलपर्सको १ अर्ब १२ करोड रुपैयाँ बराबरको १ करोड १२ लाख, सानीगड हाइड्रोपावरको ८५ करोड ५० लाख मूल्यको ८५ लाख ५० हजार कित्ता शेयर निष्काशनको प्रक्रियामा छ ।