काठमाडौं, १४ मंसिर । कारोबारको पहिलो दिन आइतबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक २८ दशमलव ८९ अङ्कले घटेर दुई हजार ६४७ दशमलव १३ बिन्दुमा कायम भएको हो ।

आज १ करोड ५७ लाख ३६ हजार ३७२ कित्ता शेयर किनबेच हुँदा ७ अर्ब ८ करोड ५४ लाख रुपैयाँको कारोबार भएको छ । अघिल्लो कारोबार दिन बिहीबार हुँदा ६ अर्ब ६६ करोड २३ लाख रुपैयाँको कारोबार भएको थियो ।

आज ४५ धितोपत्रको शेयर मूल्य बढ्दा २११ को घटेको छ । यस्तै १ धितोपत्रको भने स्थिर रहेको छ । यसदिन कुल ३४२ धितोपत्र कारोबारमा आएका छन् ।

आइतबार १३ समूहको उपसूचकमध्ये दुईको बढ्दा बाँकी ११ उपसूचक घटेको छ ।

आज उत्पादन तथा प्रशोधन शून्य दशमलव ५९ र म्युचुअल फण्ड समूहको उपसूचक शून्य दशमलव ०४ प्रतिशतले बढेको छ ।

यसैगरी लगानी १ दशमलव ५३, हाइड्रोपावर १ दशमलव ३५, जीवन बीमा १ दशमलव ३२, बैंकिन १ दशमलव २३, विकास बैंक १ दशमलव ११, माइक्रोफाइनान्स १ दशमलव ४, निर्जीवन बीमा शून्य दशमलव ७७, फाइनान्स शून्य दशमलव ६२, व्यापार शून्य दशमलव ५१ र होटेल तथा पर्यटन समूहको उपसूचक शून्य दशमलव ३८ प्रतिशतले घटेको छ ।

आज चार कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा श्रीनगर एग्रिटेक इन्ड्रस्टिज, स्वस्थिक लघुवित्त, झापा इनर्जी र सागर डिस्टीलरी रहेका छन् ।

यसदिन जोशी हाइड्रोपावर डेभलपमेन्ट ७ दशमलव २९, हिमाल दोलखा हाइड्रोपावर ५ दशमव ५९, स्वीट गंगा हाइड्रोपावर एण्ड कन्स्ट्रक्सन ५ दशमलव ०७ र हिमालयन हाइड्रोपावरको शेयर मूल्य ४ दशमलव ९४ प्रतिशतले ह्रास आएको छ ।