काठमाडौं, ७ जेठ । नवनियुक्त गभर्नर विश्वनाथ पौडेलले ५ सय र १ हजारको नयाँ नोट छाप्ने निर्णय गरेका छन् । बुधबार नेपाल राष्ट्र बैंकमा पुगेर पदभार ग्रहणपछि उनले ५ सय र १ हजारको नयाँ नोट छाप्ने पहिलो निर्णय गरेका हुन् ।

मौद्रिक नीति र वित्त नीति अलग विषय रहेको उल्लेख गर्दै उनले नीति सरकारको वित्त नीतिको सहायक नभइ छुट्टै स्वतन्त्र नीति भएको बताए । ‘सरकारको वित्त नीति कार्यान्वयनमा मौद्रिक नीतिले केही अवरोध गरेको छ भने यसलाई परिमार्जन गर्दै जानेछौं’ गभर्नर पौडेलले भने ।

यस्तै पौडेलले राष्ट्र बैंकले कम नियमन गरी सुपरीवेक्षण क्षमता बढाउनुपर्ने आवश्यकता रहेको बताए ।

उपयुक्त कर्जा नीति ल्याउनुपर्ने आवश्यकता रहेको उल्लेख गर्दे उनले सबैसँग छलफल र परामर्श गरेर मात्रै मौद्रिक नीति ल्याइने बताए ।