काठमाडौं, ३१ असार । त्रिभुवन अन्तरराष्ट्रिय विमानस्थलबाट पाँच किलो ७४५ ग्राम लागुऔषध गाँजासहित प्रहरीले एक भारतीय नागरिकलाई पक्राउ गरेको छ ।

पक्राउ पर्नेमा भारतीय नागरिक २९ वर्षीया लेयवन फुङ्थर रहेकी छन् । उनलाई त्रिभुवन अन्तर्राष्ट्रिय विमानस्थल सुरक्षा कार्यालय र भन्सार कार्यालयबाट खटिएको संयुक्त टोलीले सोमबार दिउँसो पक्राउ हो ।

एयर एसियाको उडानद्वारा बैंककबाट काठमाडौं आएकी लेयवन जाँच गर्ने क्रममा उनको लगेजबाट उक्त लागूऔषध फेला पारी पक्राउ गरिएको जनाएको छ ।

उनलाई आवश्यक अनुसन्धान तथा कारवाहीको लागि लागूऔषध नियन्त्रण ब्यूरो पठाइएको प्रहरी प्रधान कार्यालयले जनाएको छ ।