काठमाडौं, २७ साउन । नेपाल सरकारले आगामी दुई वर्षका लागि हिमालयका ९७ वटा शिखर चढ्नका लागि अनुमति शुल्क नलिने घोषणा गरेको छ । कर्णाली र सुदूरपश्चिम प्रदेशका ९७ वटा हिमशिखरमा दुई वर्षका लागि निशुल्क अनुमति दिने घोषणा गरेको हो ।

यी ५ हजार ९७० मिटरदेखि ७ हजार १३२ मिटर उचाइका शिखरहरू रहेका छन् । अघिल्ला दुई वर्षमा यी ९७ शिखरमा ६८ जना मात्र पुगेका छन् । तर २०२४ मा मात्र सगरमाथा चढ्न ४२१ अनुमति पत्र जारी गरिएका थिए ।

यसैबीच विश्वकै अग्लो हिमाल सगरमाथा चढ्ने अनुमति शुल्क आगामी सेप्टेम्बरदेखि बढेर १५ हजार डलर (करिब १९ लाख रुपैयाँ) पुग्ने भएको छ । यो करिब १० वर्षमा पहिलो पटक शुल्क बढाइएको हो ।

पर्यटन विभागका अनुसार यस योजनाले नेपालका कम परिचित पर्यटकीय क्षेत्र र गन्तव्यलाई विश्वसमक्ष चिनाउनेछ । नेपाल विश्वका १० मध्ये सबैभन्दा अग्ला हिमाल भएको मुलुक हो ।