काठमाडौं, १२ भदौ । हिमस्टार उर्जा कम्पनी लिमिटेडको शेयर नेपाल स्टक एक्सचेञ्ज (नेप्से)मा सूचीकृत भएको छ । कम्पनीका कुल ३७ लाख ३० हजार कित्ता शेयर सूचीकृत गरिएको हो ।

यसमा सर्वसाधारणलाई बिक्री गरिएको ११ लाख १९ हजार कित्ता र संस्थापक समूहले लगानी गरेको २६ लाख ११ हजार कित्ता शेयर समावेश छन् ।

नेप्सेले कम्पनीको शेयर आगामी भदौ १५ गते (आइतबार) देखि कारोबारमा ल्याउने तयारी गरेको छ । पहिलो दिनको कारोबारका लागि ९९ रुपैयाँ १७ पैसा देखि २९७ रुपैयाँ ५१ पैसा सम्मको प्रारम्भिक मूल्य दायरा (ओपनिङ रेञ्ज) तोकिएको छ ।

स्पेशल प्रि–ओपन सेसनमा भएको मूल्य खोजीपश्चात नियमित बजारमा कारोबार सुरु हुने नेप्सेले जनाएको छ ।