प्रधानमन्त्री ओलीले बोलाए मन्त्रिपरिषद् बैठक
अनलाइनसमय |
काठमाडौं, २३ भदौ । सामाजिक सञ्जाल बन्द गर्ने सरकारी निर्णयको विरोध स्वरूप देशभर आज विरोध प्रदर्शन भएको छ । राजधानीको नयाँ बानेश्वरमा भएको प्रदर्शनका क्रममा प्रहरीले चलाएको गोली लागी दुई जनाको मृत्यु भएको पुष्टि भएको छ ।
यस्तै घटनाक्रमबीच प्रधानमन्त्री केपी शर्मा ओलीले मन्त्रिपरिषद् बैठक आह्वान गरेका छन् । बैठक सोमबार साँझ ६ बजे प्रधानमन्त्री निवास बालुवाटारमा बस्ने तय भएको छ ।
सरकारका एक मन्त्रीका अनुसार बानेश्वरमा भएको घटनासहित ताजा परिस्थितिबारे बैठकमा गम्भीर छलफल हुने अपेक्षा गरिएको छ ।
