काठमाडौं, २५ भदाै । हाल मनसुनको न्यून चापीय रेखा सरदर भन्दा दक्षिणतिर अवस्थित रहेको छ।जल तथा माैसम विज्ञान विभागले जनाएको छ ।

यसैका कारण अहिले कोशी, मधेश, बागमती,  गण्डकी र लुम्बिनी प्रदेशमा साधारणतया बदली रही बाँकी भू-भागमा आंशिक बदली रहेको छ । कोशी प्रदेशका केही स्थानहरू, मधेस, बागमती, गण्डकी प्रदेशका थोरै स्थानहरू तथा लुम्बिनी र सुदुरपश्चिम प्रदेशका एक-दुई स्थानमा हल्का देखि मध्यम वर्षा भइरहेको छ।

विभागका अनुसार आज दिउँसो देशभर  कोशी, मधेश, बागमती  र गण्डकी प्रदेशका केही स्थानहरूमा र बाँकी पहाडी र तराई भू-भागका थोरै स्थानहरूमा मध्यम वर्षाको सम्भावना रहेको छ।त्यस्तै आज राती देशभर साधारणतया बदली रहनेछ। कोशी, मधेश, बागमती  र गण्डकी प्रदेशलगायत देशको पहाडी भू-भागका केही स्थानहरूमा र बाँकी पहाड र तराई भू-भागका थोरै स्थानहरूमा मध्यम वर्षाको सम्भावना रहेको छ।

मधेश प्रदेशको साथै कोशी, बागमतीकाे तराई र पहाडी भू-भागका साथै गण्डकी प्रदेशका पहाडी भू-भागका एक-दुई स्थानमा भारी वर्षाको पनि सम्भावना रहेको विभागले जनाएको छ ।