यी स्थानमा आज धेरै पानी पर्ने सम्भावना
अनलाइनसमय |
काठमाडौं, २७ भदाै । हाल मनसुनको न्यून चापीय रेखा सरदर स्थान आसपास अवस्थित रहेको जल तथा माैसम विज्ञान विभागले जनाएकाे छ ।
अहिले देशभर साधारणतया बदली रहेको छ । लुम्बिनी र सुदूरपश्चिम प्रदेशका केही स्थानहरुमा, कोशी र कर्णाली प्रदेशका थोरै साथै गण्डकी प्रदेशको एक-दुई स्थानमा हल्का देखि मध्यम वर्षा भइरहेको छ ।
विभागका अनुसार आज दिउँसो देशका कोशी, बागमती, गण्डकी प्रदेशको पहाडी भु-भागलगायत लुम्बिनी र सूदूरपश्चिम प्रदेशका केही स्थानहरुमा तथा बाँकी भू-भागका थोेरै स्थानहरूमा मध्यम वर्षाको सम्भावना रहेको छ। कोशी, गण्डकी प्रदेशको पहाडी, लुम्बिनी प्रदेश र सुदुरपश्चिम प्रदेशको पहाडी र तराई भू-भागका एक-दुई स्थानमा भारी वर्षाको पनि सम्भावना रहेको विभागले जनाएको छ ।
त्यस्तै आज राती देशभर साधारणतया बदली रहनेछ। कोशी, मधेश, बागमती र गण्डकी प्रदेशका केही स्थानहरूमा र बाँकी पहाड र तराई भू-भागका थोरै स्थानहरूमा मध्यम वर्षाको सम्भावना रहेको छ। त्यस्तै कोशी र मधेश प्रदेशलगायत बागमती र गण्डकी प्रदेशको पहाडी भू-भागका एक-दुई स्थानमा भारी वर्षाको पनि सम्भावना रहेको विभागले जनाएको छ ।
ताजा समाचार
