काठमाडौं, २९ भदौ । हालैको ‘जेन–जी आन्दोलन’को क्रममा कारागार र हिरासत तोडफोड गरी फरार भएका कैदी तथा थुनुवामध्ये ३ हजार ७ सय २३ जनालाई प्रहरीले पुनः नियन्त्रणमा लिएको छ ।

नेपाल प्रहरीका अनुसार देशभरका जेलहरूबाट भागेकामध्ये अझै १० हजार ३ सय २० जना फरार छन् ।

केही फरार कैदीलाई भारतीय प्रहरीले भारत प्रवेश गर्ने क्रममा नियन्त्रणमा लिएर नेपाल फर्काइदिएको छ भने अन्यलाई नेपाली सेना, सशस्त्र प्रहरी र नेपाल प्रहरीले संयुक्त रुपमा पक्राउ गरिएको हो । यस्तै केही आफैं स्वेच्छाले कारागार फर्किएका छन् ।

प्रहरीले फरार कैदी वा थुनुवाको अवस्थाबारे जानकारी भएमा नजिकैको प्रहरी कार्यालय वा सुरक्षाकर्मीलाई खबर गर्न सर्वसाधारणलाई आग्रह गरेको छ ।