अनलाइनसमय |
भदौ २८ र २९ मा हुने तय गरिएको परीक्षा जेनजी आन्दोलन हिंसात्मक बन्दै जाँदा स्थगित गरिएको थियो । अब बोर्डले संशोधित तालिका सार्वजनिक गरेको छ ।
पहिलो दिन अर्थात असोज ७ गते अनिवार्य अंग्रेजी (००४१) को परीक्षा हुने छ । साथै एउटै विषयमा मात्र परीक्षा दिने परीक्षार्थीका सबै विषयको परीक्षा पनि यही दिन हुनेछ। दुई विषयमा परीक्षा दिने विद्यार्थीका लागि आफूले दिने विषयहरूमध्ये सानो कोड भएको विषयको परीक्षा हुनेछ । अनिवार्य अंग्रेजी र नेपाली दुवै विषयको परीक्षा दिनेले पहिलो दिन अंग्रेजी र दोस्रो दिन नेपालीको परीक्षा दिनुपर्नेछ ।
