काठमाडौं, २४ असोज । नेपाल राष्ट्र बैंकले फस्ट पे टेक्नोलोजी प्रालिको भुक्तानी प्रणाली सञ्चालकको अनुमतिपत्र खारेज गरेको छ । बैंकले शुक्रबार सूचना जारी गर्दै उक्त कम्पनीको लाइसेन्स रद्द गरिएको जानकारी दिएको हो ।

राष्ट्र बैंकका अनुसार फस्ट पेलाई सन् २०७६ फागुन १३ गते भुक्तानी प्रणाली सञ्चालकको रूपमा अनुमति प्रदान गरिएको थियो । तर भुक्तानी तथा फछ्र्यौट ऐन, २०७५ को दफा १३ (६) अनुसार कम्पनीको लाइसेन्स खारेज गरिएको हो ।

यससँगै राष्ट्र बैंकले फस्ट पेसँग कुनै कारोबार बाँकी रहेका व्यक्ति वा संस्थालाई यो सूचना प्रकाशित भएको मितिले ३० दिनभित्र सम्पर्क गर्न आग्रह गरेको छ ।