काठमाडौं, २३ कात्तिक । इजरायल–हमास युद्ध सुरु भएदेखि हालसम्म गाजामा ६९ हजारभन्दा बढी प्यालेस्टिनी नागरिक मारिएका छन् । गाजा स्वास्थ्य अधिकारीहरूका अनुसार शनिबार दुबै पक्षले युद्धविराम अन्तर्गतको सम्झौता अनुसार शवहरूको नयाँ साटासाट गरेका हुन् ।

युद्धविराम अक्टोबर १० देखि सुरु भएपछि भग्नावशेषमुनि दबिएका शवहरू फेला परेसँगै मृतकको संख्या अझ बढेको बताइएको छ ।

शनिबार इजरायलले गाजामा १५ प्यालेस्टिनीको शव फिर्ता पठाएको एपीन्यूजले उल्लेख गरेको छ । गत शुक्रबार हमास लडाकूहरूले इजरायलको एक बन्धकको शव फिर्ता गरेका थिए । उनलाई लियोर रुडाएफ भनेर चिनाइएको छ, जसको जन्म अर्जेन्टिनामा भएको इजरायली प्रधानमन्त्री बेन्जामिन नेतान्याहूको कार्यालयले जनाएको छ ।

शव साटासाट युद्धविरामको पहिलो चरणको मुख्य प्रतिबद्वता हो, जसअन्तर्गत हमासले सबै बन्धकका शव फिर्ता गर्नुपर्नेछ । शनिबार राति पनि तेल अवीभमा परिवार र समर्थकहरूले बाँकी बन्धकहरूको फिर्तीका लागि प्रदर्शन गरेका छन् ।