५० रुपैयाँका नयाँ नोट छपाइका लागि चिनियाँ कम्पनीसँग सम्झौता
अनलाइनसमय |
काठमाडौं, २७ कात्तिक । नेपाल राष्ट्र बैंकले ५० रुपैयाँ दरका नयाँ नोट छपाइका लागि चीनको एक कम्पनीसँग सम्झौता गरेको छ । राष्ट्र बैंकले चिनियाँ कम्पनी चाइना बैंक नोट प्रिन्टिङ एन्ड मिन्टिङ कर्पोरेसनलाई छपाइको जिम्मा दिएको हो ।
बैंकका अनुसार उक्त कम्पनीले ५० रुपैयाँका ४२ करोड थान नयाँ नोट डिजाइन, छपाइ र आपूर्ति गर्नेछ । यसका लागि १ करोड ४ लाख २२ हजार अमेरिकी डलरमा सम्झौता गरिएको राष्ट्र बैंकले जनाएको छ ।
सम्झौतासम्बन्धी कागजी प्रक्रिया बुधबार सम्पन्न भएको छ ।
