काठमाडौं, १२ मंसिर । एलसीसीआई ग्लोबल क्वालिफिकेसन्सले व्यवसायिक शिक्षालाई अन्तर्राष्ट्रिय स्तरमा विस्तार गर्ने दीर्घकालीन रणनीतिक योजनाअन्तर्गत अफ्रिकामा आफ्ना कार्यक्रम विस्तार गरेको छ ।

यस विस्तारले अफ्रिकाका विद्यार्थीलाई अन्तर्राष्ट्रियस्तरमा मान्यता प्राप्त सिपमूलक शिक्षा, व्यावसायिक तालिम र उच्च अध्ययनका अवसरहरू उपलब्ध गराउने लक्ष्य राख्दछ ।

घानास्थित मिनाज् भोकेस्नल इन्स्च्युटसँग सहकार्य गर्दै हस्पिटालिटी म्यानेजमेन्ट, कलिनरी आट्र्स, इन्फर्मेसन टेक्नोलोजी तथा कम्प्युटिङ कार्यक्रम सञ्चालन सुरु गरेको एलसीसीआई ग्लोबलले जनाएको छ ।

यी सबै कोर्सहरू स्कटिस क्वालिफिकेसन्स अथ्योरिटीद्वारा गुणस्तर सुनिश्चित गरिएको र युरोपियन क्वालिफिकेसन्स फ्रेमवर्कको अन्तर्राष्ट्रिय मापदण्डअनुसार बेन्चमार्क गरिको गरिएका छन् ।

२०२५ नोभेम्बर २६ मा काठमाडौंस्थित होटल ¥याडिसनमा आयोजित ‘Education Without Boundaries: The Power of Vocational Education’ सेमिनारमा एलसीसीआई ग्लोबल र मिनाज् भोकेस्नल इन्स्च्युटबीच सहमतिमा हस्ताक्षर गरिएको थियो ।

यस साझेदारीले घानाका विद्यार्थीहरूलाई रोजगार–उन्मुख सीप, व्यावहारिक तालिम र वैश्विक स्तरमा मान्यता प्राप्त योग्यता हासिल गर्न सहज बनाउनेछ ।

यसैगरी एलसीसीआई ग्लोबलले जिम्बाब्वेस्थित डेलिस कलिनरी आट्र्स एकेडेमीसँग पनि सहकार्य गर्दै हस्पिटालिटी, कलिनरी आट्र्स, बैंकिङ तथा प्रोफेसनल कलिनरी कार्यक्रम सञ्चालनमा ल्याएको छ ।

यस सहकार्यले पाककला क्षेत्रका विद्यार्थीहरूलाई अन्तर्राष्ट्रिय स्तरको प्रशिक्षण, प्रयोगात्मक सीप तथा विश्वव्यापी करियर अवसर प्रदान गर्नेछ ।

डेलिस कलिनरी आट्र्स एकेडेमीसँगको एमओए एलसीसीआई ग्लोबलको अफ्रिका क्षेत्रमा व्यवसायिक सीप र योग्यता विकास गर्ने रणनीतिक योजनाको ठूलो माइलस्टोनका रूपमा लिइएकोको विज्ञप्तिम भनिएको छ ।

एलसीसीआई ग्लोबल क्वालिफिकेसन्सका सह–संस्थापक डा. रोशन राठीले भने, ‘नेपालमा विकास भएका, तर विश्वभर मान्यता प्राप्त व्यवसायिक तालिम र पाठ्यक्रमलाई अफ्रिकामा विस्तार गर्नु हाम्रो प्रमुख उद्देश्य हो। घाना र जिम्बाब्वेमा कार्यक्रम विस्तार हुनु अफ्रिकाका युवाहरूका लागि सीपमूलक शिक्षा र करियर विकासका नयाँ अवसरहरू खुलाउने महत्वपूर्ण कदम हो ।’