काठमाडौं, १२ मंसिर । हालैको जेन–जी आन्दोलनका क्रममा भएका भौतिक तथा अन्य क्षतिको निर्जीवन बीमा कम्पनीहरूमा २३ अर्ब ४३ करोड ४१ रुपैयाँको ३ हजार २५५ वटा बीमा दाबी परेको छ, जसमध्ये ४ अर्ब २ करोड दाबी रकम बीमितहरूलाई भुक्तानी गरिएको नेपाल बीमा प्राधिकरणले जनाएको छ ।

प्राधिकरणमा निर्जीवन बीमा कम्पनीहरूबाट प्राप्त अद्यावधिक तथ्याङ्क अनुसार, कम्पनीहरूबाट अग्रिम भुक्तानी समेत गरी भुक्तानी भएको कूल दाबी रकममध्ये सम्पत्ति बीमातर्फ १९ अर्ब ३ करोड ४१ लाख रुपैयाँको ६९५ वटा दाबी परेकोमा ३ अर्ब ९ करोड ४७ लाख रुपैयाँ भुक्तानी भएको छ ।

त्यस्तै, मोटर बीमातर्फ ३ अर्ब ४४ करोड १० लाख रुपैयाँको २ हजार २९५ वटा दाबी परेकोमा ८४ करोड ८५ लाख भुक्तानी भएको छ ।

यसैगरी, इञ्जिनीयरिङ तथा ठेक्का जोखिम बीमातर्फ २०९ वटा दाबीको करिव ५५ करोड ४ लाख रुपैयाँ दाबी रकममध्ये करिव ६ करोड ६९ लाख, परिवहन बीमातर्फ १२ वटा दाबीको १ करोड ६९ लाख रुपैयाँ दाबी रकममध्ये ४८ लाख र अन्य बीमातर्फ ४४ वटा दाबीको करिव ३९ करोड १८ लाख रुपैयाँ दाबी रकममध्ये करिव ३९ लाख रुपैयाँ अग्रिम भुक्तानी समेत गरी दाबी रकम भुक्तानी भएको प्राधिकरणले जनाएको छ ।

पुनर्बीमा कम्पनीबाट बीमकहरूलाई २. ५१ अर्ब भुक्तानी
जेन–जी आन्दोलनका क्रममा भएका भौतिक तथा अन्य क्षतिको बीमा दाबी भुक्तानीका लागि नेपाल पुनर्बीमा कम्पनीले निर्जीवन बीमा कम्पनीहरूलाई २ अर्ब ५१ करोड ७९ लाख रुपैयाँ अग्रिम भुक्तानी सहित दाबी गरेको छ ।

नेपाल पुनर्बीमा कम्पनीमा परेको कूल २ हजार ८६० वटा पुनर्बीमा दाबीको दाबी रकम करिव रू. १५ अर्ब ८१ करोड रहेको अद्यावधिक तथ्याङ्क रहेको प्राधिकरणले जनाएको छ ।