कान्ति राजमार्ग मंसिर २० गतेदेखि २ महिनासम्म बन्द हुने
अनलाइनसमय |
काठमाडौं, १८ मंसिर । कान्ति राजमार्ग दुई महिनासम्म बन्द हुने भएको छ ।
जिल्ला प्रशासन कार्यालय ललितपुरले सूचना जारी गर्दै कान्ति राजमार्ग सडक योजनाअन्तर्गत एकान्तकुना क्षेत्रमा विस्तार तथा कटिङ भइरहेकाले सो क्षेत्रमा ६० दिनसम्म सवारी आवागमन बन्द गरिने जानकारी दिएको हो ।
सार्वजनिक सूचनाअनुसार यो राजमार्ग यही मंसिर २० गतेदेखि ६० दिनसम्म बिहान ११ बजेदेखि साँझ ५ बजेसम्म सवारी आवागमन बन्द हुनेछ । सो अवधिभर वैकल्पिक मार्ग प्रयोग गर्न भनिएको छ ।
