काठमाडौंको तीनकुनेस्थित एक गोदाममा आगलागी भएको छ । बुधबार दिउँसो जीवन रेग्मीको पाँच तले घरको अन्डरग्राउण्डमा दिलिप कुमार साहले सञ्चालन गरेको ‘गु्रप अन ट्रेडिङ डिलर’मा आगलागी भएको हो ।

अहिले प्रहरी, नेपाली सेना, सशस्त्र प्रहरी, दम्कल र स्थानीयको सहयोगमा आगो नियन्त्रणको प्रयास जारी छ ।

उक्त गोदाममा आगलागि हुँदा २ जना घाइते भएका छन् । घाइते हुनेमा धनुषा घर भई कालिमाटी बस्दै आएका २३ वर्षीय बिक्कर लामा र भक्तपुरको सूर्यविनायक–६ घर भएका २८ वर्षीय उदय श्रेष्ठ छन् ।

उनीहरु दुबै जना गोदाममा काम गर्ने व्यक्ति रहेकाप्रहरीले जनाएको छ । घाइते दुबै जनाको अवस्था सामान्य छ । उनीहरुको तीनकुनेको कान्तिपुर अस्पतालमा उपचार्रत छन् ।