एकैसाथ १८० भियतनामी बुद्धिस्ट पर्यटक आइपुगे नेपाल

अनलाइनसमय |
३ जेठ २०८१
एकैसाथ १८० भियतनामी बुद्धिस्ट पर्यटक आइपुगे नेपाल

काठमाडौं, ३ जेठ । भियतनामबाट १८० जना बुद्धिस्ट पर्यटक नेपाल भ्रमणमा आएका छन् । रुप्से होलिडेजका अनुसार उनीहरू भियतनामको हनोइबाट हिमालय एयरलाइन्सको चार्टर फ्लाइट मार्फत नेपाल भ्रमणमा आएका हुन् ।

उक्त सङ्ख्यामा भियतनामी बौद्ध धर्मालम्बी एकैपटक नेपाल आएको पहिलो पटक भएको कम्पनीले जनाएको छ ।

कम्पनीका अनुसार उनीहरूले काठमाडौं उपत्यकका विभिन्न बौद्ध गुम्बा र चैत्यहरूको भ्रमण गर्ने कार्यक्रम छ । साथै हलेसी दर्शनमा पनि जाने छन् ।

पूर्णरूपमा धार्मिक पर्यटकको रूपमा आएका यी भियतनामी नागरिकले ध्यान र बौद्ध शिक्षाका लागि काठमाडौंमा रहेका विभिन्न चैत्य तथा गुम्बामा ६ दिन र हलेसीमा १ रात बिताउने कार्यक्रम छ । यस्तै ह्वाइट गुम्बा, फर्पिङ्, स्वयम्भू, नमोबुद्ध र पाटनको भ्रमण अवलोकन गराउने तयारी छ ।

Leave a Reply

Your email address will not be published. Required fields are marked *

खोज्नुहोस